काठमाडौं । साताको कारोबारको चौथो दिन आज (बुधबार) नेप्से परिसूचक दोहोरो अङ्कले बढोत्तरी भएको छ । लगातार ४ कारोबारमा ओरालो लागेको नेप्से परिसूचक आज १५.१३ अंकले उकालो लागेको हो। योसँगै नेप्से परिसूचक १९२०.१२ को विन्दुमा पुगेको छ ।

बुधबार नेप्सेमा कुल २७३ कम्पनीको २५ लाख ७९ हजार ३ सय २५ कित्ता सेयर खरिद बिक्री हुँदा ८७ करोड २१ लाख माथिको सेयर कारोबार भएको छ । आज सबैभन्दा बढी कारोबार स्वावलम्बन लघुवित्तको प्रमोटर सेयरको भएको छ । यस प्रमोटर सेयरको ८ करोड ८३ लाख बढीको सेयर कारोबार भएको हो ।

यस्तै नबिल बैंकको ३ करोड ६६ लाख रुपैयाँ बराबरको कारोबार भएको छ भने एनआईसी एसिया बैंकको ३ करोड १८ लाख रुपैयाँ, शिवम् सिमेन्टको ३ करोड १७ लाख रुपैयाँ, निफ्राको २ करोड ३९ लाख रुपैयाँ, नेपाल लाइफ इन्स्योरेन्सका २ करोड ३ लाख रुपैयाँ, तारागाउँ रिजेन्सी होटेलको १ करोड ६७ लाख रुपैयाँ, सानिमा मिडिल तमोर हाइड्रोपावरको १ करोड ६४ लाख रुपैयाँ, हिमालयन डिस्टिलरीको १ करोड ६२ लाख रुपैयाँ र ग्लोबल आइएमई बैंकको १ करोड ४८ लाख रुपैयाँ बढीको कारोबार भएको छ।

आज ३ वटा कम्पनीको सेयर भाउमा पोजिटिभ सर्किट लागेको छ। कालिञ्चोक दर्शन, मोलुङ हाइड्रोपावर र गुराँस लघुवित्तको सेयरभाउमा १० प्रतिशतको हाराहारीमा बढेर पोजिटिभ सर्किट लागेको हो।