काठमाडौं । साताको कारोबारको दोस्रो दिन सोमबार सेयर बजार मापक नेप्से परिसूचक बढेको छ । आइतबारको तुलनामा नेप्से परिसूचक २.७१ अङ्कले बढेर १८८८.३२ बिन्दुमा पुगेको हो ।
सोमबार नेप्सेमा कुल २७० कम्पनीको २२ लाख ६० हजार ८ सय २३ कित्ता सेयर खरिद बिक्री हुँदा ७५ करोड १३ लाखमाथिको सेयर कारोबार भएको छ ।
यस्तै सोमबारको सेयर बजारमा पिपुल्स पावर लिमिटेड, एनआइबीएल प्रगति फण्ड, नविल इक्युटी फण्ड, आँखु खोला जलविद्युत कम्पनी र मन्दकिनी हाइड्रोपावरका लगानीकर्ता मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच सोमबारको सेयर बजारमा सबैभन्दा बढी कारोबार कालिन्चोक दर्शन लिमिटेडको भएको छ । यस कम्पनीको ८ करोड ८१ लाख ७८ हजार दुई सय २१ रुपैयाँ ३० पैसा बराबरको सेयर कारोबार भएको हो । यस अलावा शिवम् सिमेन्ट, नबिल बैंक, एनआईसी एशिया बैंक र हिमालयन डिस्ट्रिलरीको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरूको सूचीः
यस्तै सोमबारको सेयर बजारमा कालिन्चोक दर्शन लिमिटेडका लगानीकर्ताले सबैभन्दा बढी गुमाएका छन् । यस कम्पनीहरूको सेयर मूल्यमा नेगेटिभ सर्किट लागेको हो । सनराइज फोकस्ड इक्वीटी, मोलुङ हाइड्रोपावर कम्पनी, एनएमबी सुल्भ इन्भेष्टमेन्ट फन्ड –२, ट्रागन रेजेन्सी होटेल लिमिटेडमा उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः
