काठमाडौं । साताको कारोबारको तेस्रो दिन मंगलबार पनि नेप्से परिसूचक बढेको छ । सोमबारको तुलनामा नेप्से परिसूचक १७.३८ अङ्कले बढेर १९०५.६८ बिन्दुमा पुगेको हो । मंगलबार नेप्सेमा कुल २६४ कम्पनीको २७ लाख ५ सय २३ कित्ता सेयर खरिद बिक्री हुँदा ८८ करोड ५५ लाखमाथिको सेयर कारोबार भएको छ । आज सबैभन्दा बढी कारोबार शिभम् सिमेन्टस्को भएको छ । यस कम्पनीको ७० लाख ०९ हजार ५ सय ५७ रुपैयाँ बराबरको सेयर कारोबार भएको छ ।

यस्तै मंगलबारको सेयर बजारमा तारागन रेजेन्सी होटलका लगानीकर्ताहरु मालामाल भएका छन् । यस अलवा खप्तड लघुवित्त वित्तीय संस्था, सिटिजन्स् म्युचुअल फण्ड-१, सिद्धार्थ प्रिमियर इन्स्योरेन्स, माछापुच्छ्रे बैंक र शिभम् सिमेन्टस्का लगानीकताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच मंगलबारको सेयर बजारमा सबैभन्दा बढी कारोबार शिभम् सिमेन्टस्को भएको छ । यस कम्पनीको ७० लाख ०९ हजार ५ सय ५७ रुपैयाँ बराबरको सेयर कारोबार भएको हो । यस अलावा कालिन्चोक दर्शन लिमिटेड, नबिल बैंक, हिमालयन डिस्ट्रिलरी, हिमाल दोलखा हाइड्रोपावर कम्पनी, आँखु खोला जलविद्युत कम्पनी र सिद्धार्थ प्रिमियर इन्स्योरेन्सको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरूको सूचीः

यस्तै मंगलबारको सेयर बजारमा सनराइज ब्लुचिप फण्डका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट लागेको हो । सनराइज ब्लुचिप फण्डको सेयरमा यस्तो गिरावट आउँदा सनराइज फोकस्ड इक्वीटी, पिपुल्स पावर लिमिटेड, सिटिजन्स् म्युचुअल फण्ड-२ र धौलागिरी लघुवित्त वित्तीय संस्थामा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः