काठमाडौं । प्राइम कमर्सियल बैंकले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ ।

बैंकले सार्वजनिक गरेको वित्तीय विवरण अनुसार चालु आर्थिक वर्षको चैत मसान्तसम्ममा बैंकले २ अर्ब ४६ करोड ७५ लाख रुपैयाँ खुद नाफा आर्जन गरेको छ । गत आर्थिक वर्षको सोही अवधिसम्ममा बैंकले २ अर्ब ७२ करोड रुपैयाँ खुद नाफा कमाएको थियो, जुन यो गत आर्थिक वर्षको सोही अवधिको तुलनामा ९.३५ प्रतिशत बढी हो ।

समीक्षा अवधिमा बैंकको खुद ब्याज आम्दानी १८.०७ प्रतिशत बढेको छ भने कुल सञ्चालन आम्दानी ११.६८ प्रतिशत बढेको छ । निष्क्रिय कर्जा ०.९४ प्रतिशतबाट बढेर ३.०६ प्रतिशत पुगेसँगै इम्पेरमेन्ट चार्ज बढेर ९९ करोड पुगेपछि बैंकको सञ्चालन मुनाफा ९.६४ प्रतिशत घटेको छ । सो अवधिसम्ममा बैंकको वितरण योग्य मुनाफा ३० करोड १५ लाख रुपैयाँ रहेको छ ।

नाफासँगै बैंकको प्रतिशेयर आम्दानी पनि घटेको छ । समीक्षा अवधिमा बैंकको यस्तो आम्दानी २ रुपैयाँ ४९ पैसा घटेर १६ रुपैयाँ ९६ पैसामा सीमित भएको छ । सो अवधिसम्ममा बैंकको मूल्य आम्दानी अनुपात ११.९६ गुणा रहेको छ भने प्रतिशेयर नेटवर्थ १४७ रुपैयाँ ४१ पैसा रहेको छ ।