काठमाडौँ । नेपाली बजारमा शुक्रबार सुनको मूल्य बढेको छ । बिहीबारको तुलनामा आज सुनको मूल्य प्रतितोला चार सय रुपैयाँले बढेको हो ।

बिहीबार प्रतितोला एक लाख नौ हजार ८ सय रुपैयाँमा कारोबार भएको छापावाला सुनको मुल्य शुक्रबार चार सय रुपैयाँले बढेर एक लाख १० हजार २ सय रुपैयाँमा कारोबार भइरहेको छ । यस्तै तेजावी सुन प्रतितोला एक लाख ९ हजार ६ सय ५० रुपैयाँमा कारोबार भइरहेको छ ।

आज चाँदीको मूल्य भने स्थिर रहेको छ । चाँदी प्रतितोला एक हजार चार सय ४५ रुपैयाँमा कारोबार भइरहेको छ । नेपाल सुनचाँदी व्यवसायी महासङ्घले आज प्रति १० ग्राम छापावाला सुनको मूल्य ९४ हजार ४ सय ३५ रुपैयाँ तोकेको छ तेजावी सुनको मूल्य प्रति १० ग्राम ९४ हजार १० रुपैयाँ तोकेको छ । यस्तै प्रति १० ग्राम चाँदीको मूल्य १ हजार २ सय ३९ रुपैयाँ कायम गरेको छ ।