×

Live on

रेडियो अर्थ सरोकार

Listen to live radio.

सिटिजन्स बैंक र केएफडब्लू डेभलपमेण्ट बैंकबीच पुर्नकर्जा लगानी सहयोग प्रदान गर्ने सम्झौता

GLOBAL IME BANK

सिटिजन्स बैंक र केएफडब्लू डेभलपमेण्ट बैंकबीच पुर्नकर्जा लगानी सहयोग प्रदान गर्ने सम्झौता

१० जेष्ठ २०८०, बुधबार

पढ्न लाग्ने समय: १ मिनेटभन्दा कम

काठमाडौं । सिटिजन्स बैंक इन्टरनेसनल लिमिटेडले नेपालको ग्रामीण क्षेत्रमा लघु, घरेलु तथा साना उद्यम व्यवसाय प्रबर्धनका लागि जर्मन स्थित, केएफडब्लू डेभलपमेण्ट बैंक र नेपाल राष्ट्र बैंकबीच अन्तर्गत यूरो ३५ लाख पुनरकर्जा र यूरो ५ लाख बराबरको प्रावधिक सहयोग प्रदान गर्ने समझदारी गरेको छ ।

सिटिजन्स बैंकले नेपालको ग्रामीण क्षेत्रमा लघु, घरेलु तथा साना उद्यम व्यवसाय प्रबर्धनका लागि जर्मनस्थित, केएफडब्लू डेभलपमेण्ट बैंक र नेपाल राष्ट्र बैंक बीच ग्रामीण र अर्ध-शहरी क्षेत्रहरूमा दिगो आर्थिक विकास अन्तर्गत यूरो ३५ लाख पुर्नकर्जा र यूरो ५ लाख बराबरको प्राविधिक सहयोग प्रदान गर्ने समझदारी पत्रमा हस्ताक्षर गरेको हो ।

नेपालसंग जर्मन वित्तीय सहयोग परियोजना अन्तर्गत केएफडब्लू डेभलपमेण्ट बैंक जर्मनीले नेपाल राष्ट्र बैंक संगको समझदारीमा नेपालमा सञ्चालित बैंक तथा वित्तीय संस्थालाई लघु, घरेलु तथा साना उद्यम व्यवसाय प्रबर्धनका लागि पुर्नकर्जा प्रदान गर्दै आइरहेको छ ।

हरेक नेपालीलाई उद्यमशील बनाई नेपालको अर्थतन्त्र दीगो रुपान्तरण गर्नका लागि लघु, घरेलु तथा साना उद्यम क्षेत्रको विकास हुनु पर्छ भन्ने उद्धेश्य रहेको बैंकले जनाएको छ ।

सिटिजन्स बैंक इन्टरनेसनल लिमिटेडले देशैभरी फैलिएकाआफ्ना १८२ वटा शाखा, ३ वटा विस्तारित काउण्टर,  १३९ वटा ए.टि.एम., ६ वटा कियोस्क सेवा र ९७ वटा शाखा रहित बैंकिङ ईकाईहरुबाट  करिव १५ लाख ६५ हजार ग्राहकवर्गलाई आधुनिक बैंकिङ सेवाहरु प्रदान गर्दै आएको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: