काठमाडौं । थाइल्याण्ड पठाईदिन्छु भन्दै रकम ठगी गर्ने व्यक्ति पक्राउ परेका छन् । जिल्ला चितवन भरतपुर महानगरपालिका वडा नं. २७ बालुवा स्थाई घर भई हाल काठमाडौं जिल्ला टोखा नगरपालिका वडा नं. ९ म्याग्दी चोक बस्ने ३१ वर्षीय नन्दलाल महतो पक्राउ परेका हुन् ।
महतोले भिम बहादुर बुढालाई वैदेशिक रोजगारीका लागि थाइल्याण्ड पठाईदिने, थाइल्याण्ड जान प्रतिव्यक्ति ३ लाख ५० हजार रुपैयाँ लाग्ने र थाइल्याण्ड पुगेपछि प्रतिष्ठित कम्पनीमा काम लगाईदिन्छु मासिक एक लाख बढी तलब हुन्छ भनि विश्वास दिलाई प्रलोभनमा पारी ठगी गरेको जनाईएको छ । उनले पिडितबाट पटकपटक गरी ३ लाख ५० हजार रकम लिई सम्पर्क विहिन भएको प्रहरीले जनाएको छ ।
काठमाडौं उपत्यका अपराध अनुसन्धान कार्यालयबाट खटिएको प्रहरी टोलिले उनलाई वैशाख २० गते टोखा म्याग्दी चोकबाट पक्राउ गरेको हो । पक्राउ परेका महतोलाई थप अनुसन्धान तथा कारवाहीका लागि वैदेशिक रोजगार विभाग पठाईएको छ ।
