काठमाडौं । सिङ्गापुर पठाईदिन्छु भन्दै रकम ठगी गर्ने व्यक्ति पक्राउ परेका छन् । झापा जिल्ला बाह्रदशी गाउँपालिका वडा नं.६ स्थाई घर भई हाल काठमाडौं महानगरपालिका वडा नं. १० नयाँबानेश्वर बस्ने २० वर्षीय सृजन निरौला पक्राउ परेका हुन् ।
उनले ओमनाथ मैनाली सहित १२ जनालाई वैदेशिक रोजगारीको लागि सिङ्गापुर पठाइदिने र प्रतिष्ठित कम्पनीमा काम लगाइदिन्छु मासिक ४ लाख तलब हुन्छ भनी विश्वास दिलाई प्रलोभनमा पारी रकम ठगी गरेको प्रहरीले जनाएको छ । मैनालीले पिडितहरुबाट पटक पटक गरी ९५ लाख ठगि गरी सम्पर्कविहीन भएका थिए ।
काठमाडौं उपत्यका अपराध अनुसन्धान कार्यालयबाट खटिएको प्रहरी टोलिले उनलाई वैशाख २७ गते काठमाडौंको सिनामंगलबाट पक्राउ गरेको हो । पक्राउ परेका उनलाई थप अनुसन्धान तथा कारवाहीका लागि वैदेशिक रोजगार विभाग बुद्धनगर, काठमाडौं पठाईएको प्रहरीले जनाएको छ ।
