काठमाडौं । डिजेल र मट्टितेलको भाउ घटेसँगै सरकारले गाडी भाडा पनि घटाएको छ । भारतीय आयल कर्पोशन (आईओसी)ले पेट्रोलियम पदार्थको मूल्य घटाएर नयाँ मूल्यसूची पठाएसँगै सरकारले लामो दुरीको सार्वजनिक यातायातको भाडा घटाएको हो ।

आईओसीले डिजेल र मट्टिेलको मूल्यमा प्रतिलिटर १० रुपैयाँ घटाएसँगै यातायात व्यवस्था विभागले यात्रुबाहक र मालबाहक गाडीको नयाँ भाडादर सार्वजनिक गरेको हो । योसँगै यात्रुबाहक सवारी साधनमा ३.२० प्रतिशत, पहाडी रुटमा सञ्चालन हुने मालबाहक सवारी सधानमा ४.१९ प्रतिशत र तराईका बाटोमा सञ्चालक हुने गाडीमा ४.६५ प्रतिशतले भाडा घटेको हो ।

सरकारले सार्वजनिक गरेको नयाँ भाडा दर अनुसार सबैभन्दा लामो रुट काठमाडौं–अत्तरीया–मार्तडी (बाजुरा) (९४४.६ किमी) को २९५९ रुपैयाँ भाडादर कायम भएको छ ।

यस्तै, काठमाडौं–अत्तरीया–चैनपुर(९४४ किमी)को २९४३ रुपैयाँ, काठमाडौं–धनगढी–साँफेबगर (८९९ किमी)को २६९३, काठमाडौं–अत्तरीया–सिलगढीको २४०८, काठमाडौं–महेन्द्रनगरको १९१५, काठमाडौं–सुर्खेतको १७४०,काठमाडौं–धनकुटाको १७२७, काठमाडौं–विराटनगर १४९८ कायम भएको छ । त्यस्तै, महेन्द्रनगर–काँकडभिट्टा (९२२ किमी)को २४७५, सुर्खेत–धरानको २४४२ रुपैयाँ र काठमाडौं–जनकपुर ९०३, भाडा रहेको छ ।

घटेको नयाँ भाडा दर बुधबारदेखि नै लागू भएको यातायात व्यवस्था विभागले जनाएको छ ।