काठमाडौँ । अन्तर्राष्ट्रिय मुद्रा कोष (आइएमएफ)ले नेपालको लागि थप ५ करोड २८ लाख अमेरिकी डलर (६ अर्ब ८९ करोड ७१ लाख रुपैयाँ) ऋण स्वीकृत गरेको छ । आइएमएफको सोमबार बसेको सञ्चालक समिति बैठकले विस्तारित कर्जा सुविधा (इसीएफ) अन्तर्गत उक्त ऋण स्वीकृत गरेको हो ।
नेपालले यो इसीएफ अन्तर्गत दोस्रो किस्ता पाउन लागेको हो । आइएमएफको कार्यकारी बोर्डले २०२२ जनवरी १२ मा नेपालका लागि कुल ३८ करोड ४८ लाख अमेरिकी डलर बराबरको इसीएफ व्यवस्थालाई स्वीकृत गरेको थियो । जुन नेपालले पाउने कोटाको १८० प्रतिशत हुन जान्छ । यस सँगै नेपालको लागि ईसीएफ अन्तर्गत कुल १५७.४ मिलियन डलर अर्थात २० अर्ब ५६ करोड पुगेको छ ।
मुद्रा कोषले सन् २०२२ मा नेपाललाई ३८४.८ मिलियन डलर अर्थात् ३१ अर्ब ४६ करोड ३१ लाख रुपैया ऋण दिने निर्णय गरेको थियो । मुद्रा कोषले नेपाललाई यो रकम किस्ता किस्तामा दिने छ। दोस्रो किस्ता वापतको रकम स्वीकृत भएसंगै अब करिब ११ अर्ब ऋण स्वीकृति हुन बाँकि छ । यो रकम नेपालले तेस्रो किस्तामा पाउने छ । तर, त्यसको लागि नेपालले मुद्रा कोषले तोकेको शर्तहरु भने पालना गर्नु पर्ने छ । यो ऋण नेपाललाई शुन्य ब्याजदरमा प्रयोग गर्ने छ ।
