काठमाडौं । साताको कारोबारको दोश्रो दिन सोमबार सेयर बजार मापक नेप्से परिसूचक घटेको छ । आइतबारको तुलनामा नेप्से परिसूचक १६.९३ अंकले घटेर १८३३.६९ बिन्दुमा पुगेको हो ।

सोमबार नेप्सेमा कुल २७० कम्पनीको २८ लाख १० हजार ६ सय २७ कित्ता सेयर खरिद बिक्री हुँदा ८२ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको ३ करोड ७८ लाख २१ हजार २ सय ८२ रुपैयाँ बराबरको सेयर कारोबार भएको छ ।

यस्तै सोमबारको सेयर बजारमा विन नेपाल लघुवित्त वित्तिय संस्थाका लगानीकर्ताहरु मालामाल भएका छन् । यस कम्पनीको सेयर मूल्य ८ प्रतिशत भन्दा धेरैले बढेको हो । यस अलवा आत्मनिर्भर लघुवित्त वित्तिय संस्था, एनआइबिएल ग्रोथ फण्ड, १०.२५% नेपाल एसबिआइ बैंक डेबेञ्चर २०८३, बिपीडब्लु लघुवित्त र सानिमा लार्ज क्याप फण्डका लगानीकर्ताहरु पनि मालामाल भएका छन् । हेर्नुहोस् सोमबारको सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच सोमबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ३ करोड ७८ लाख २१ हजार २ सय ८२ रुपैयाँ बराबरको सेयर कारोबार भएको छ । यस अलावा हिमाल दोलखा हाइड्रोपावर, हिमालयन डिष्ट्रिलरी, तारागाउँ रिजेन्सी होटल, एनआइसी एशिया बैंक र घलेम्दी हाइड्रोपावरको पनि अत्याधिक कारोबार भएको छ । हेर्नुहोस् सोमबारको सेयर बजारमा सर्वाधिक कारोबार हुने कम्पनीहरूको सूचीः

यस्तै सोमबारको सेयर बजारमा इस्टर्न हाइड्रोपावरका लगानीकर्ताले सबैभन्दा बढी गुमाएका छन् । यो कम्पनीको सेयर मूल्य ९ प्रतिशत भन्दा धेरैले घटेको हो । इस्टर्न हाइड्रोपावरको सेयरमा यस्तो गिरावट आउँदा शिव श्री हाइड्रोपावर, बलेफी हाइड्रोपावर, मल्टिपर्पोज फाइनान्स र किसान लघुवित्तमा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने कम्पनीहरुको सूचीः