काठमाडौं । साताको कारोबारको पहिलो दिन आइतबार सेयर बजार मापक नेप्से परिसूचक घटेको छ । बिहिबारको तुलनामा नेप्से परिसूचक १६.९६ अंकले घटेर १८२१.६४ बिन्दुमा पुगेको हो ।
आइतबर नेप्सेमा कुल २६३ कम्पनीको २७ लाख ८८ हजार ८ सय १५ कित्ता सेयर खरिद बिक्री हुँदा ९० करोडमाथिको सेयर कारोबार भएको छ । आज सबैभन्दा बढी कारोबार सिटिजन्स इन्भेस्टमेन्ट ट्रस्टको भएको छ । यस कम्पनीको ५ करोड ३५ लाख ७५ हजार ७ सय ८१ रुपैयाँ ६० पैसा बराबरको सेयर कारोबार भएको छ ।
यस्तै आइतबारको सेयर बजारमा आत्मनिर्भर लघुवित्त वित्तिय संस्थाका लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा सिटिजन्स इन्भेस्टमेन्ट ट्रस्ट, मिथिला लघुवित्त वित्तिय संस्था, बाराही हाइड्रोपावर, स्वाभिमान लघुवित्त र नबिल ब्यालेन्स फण्ड-२ का लगानीकर्ताहरु पनि मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच आइतबारको सेयर बजारमा सबैभन्दा बढी कारोबार सिटिजन्स इन्भेस्टमेन्ट ट्रस्टको भएको छ । यस कम्पनीको ५ करोड ३५ लाख ७५ हजार ७ सय ८१ रुपैयाँ ६० पैसा बराबरको सेयर कारोबार भएको छ । यस अलावा हिमालयन डिष्ट्रिलरी, एनआइसी एशिया बैंक, शिवम् सिमेन्ट, नबिल बैंक र नेपाल दूरसंचार कम्पनीको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरूको सूचीः
यस्तै आइतबारको सेयर बजारमा राष्ट्र उत्थान लघुवित्तका लगानीकर्ताले सबैभन्दा बढी गुमाएका छन् । यो कम्पनीको सेयर मूल्य ६ प्रतिशत भन्दा धेरैले घटेको हो । राष्ट्र उत्थान लघुवित्तको सेयरमा यस्तो गिरावट आउँदा दोर्दी खोला जलबिद्युत, हिमालयन ऊर्जा विकास, स्वेत-गंगा हाइड्रोपावर र अग्रिकल्चर डेभलपमेन्ट बैंकमा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः
