काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक झिनो अंकले बढेको छ । सोमबारको तुलनामा नेप्से परिसूचक ३.३१ अंकले बढेर १८२१.६२ बिन्दुमा पुगेको हो ।
मंगलबार नेप्सेमा कुल २६९ कम्पनीको २० लाख ६३ हजार ७ सय ३७ कित्ता सेयर खरिद बिक्री हुँदा ६४ करोडमाथिको सेयर कारोबार भएको छ । आज सबैभन्दा बढी कारोबार एनआइसी एशिया बैंक लिमिटेडको भएको छ । यस कम्पनीको ५ करोड १ लाख ४६ हजार ३ सय ६१ रुपैयाँ ३० पैसा बराबरको सेयर कारोबार भएको छ ।
यस्तै मंगलबार सेयर बजारमा आत्म्मनिर्भर लघुवित्त वित्तिय संस्थाका लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा माया खोला हाइड्रोपावर, हिमालयन उर्जा विकास, सनराइज फोकस्ड इक्वटी फण्ड, राप्ती हाइड्रो एण्ड जेनेरल र न्यादी हाइड्रोपावरका लगानीकर्ताहरु पनि मालामाल भएका छन् । हेर्नुहोस् मंगलबार सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच मंगलबार सेयर बजारमा सबैभन्दा बढी कारोबार एनआइसी एशिया बैंक लिमिटेडको भएको छ । यस कम्पनीको ५ करोड १ लाख ४६ हजार ३ सय ६१ रुपैयाँ ३० पैसा बराबरको सेयर कारोबार भएको छ । यस अलावा शिवम् सिमेन्ट, नबिल बैंक, नेपाल इन्स्योरेन्स, हिमालयन बैंक लिमिटेड र नेपाल एसबिआइ बैंक लिमिटेडको पनि अत्याधिक कारोबार भएको छ । हेर्नुहोस् मंगलबार सेयर बजारमा सर्वाधिक कारोबार हुने कम्पनीहरूको सूचीः
यस्तै मंगलबार सेयर बजारमा माई खोला हाइड्रोपावरका लगानीकर्ताले सबैभन्दा बढी गुमाएका छन् । यो कम्पनीको सेयर मूल्यमा नेगेटिभ सर्किट लागेको हो । माई खोलाको सेयरमा यस्तो गिरावट आउँदा एनआइबिएल ग्रोथ फण्ड, इस्टर्न हाइड्रोपावर, मानुषी लघुवित्त वित्तिय संस्था र बोटलर्स नेपाल (तराई)मा पनि उच्च गिरावट देखिएको छ । हेर्नुहोस् मंगलबार सेयर बजारमा सबैभन्दा बढी गुमाउने कम्पनीहरुको सूचीः
