काठमाडौं । वैदेशिक रोजगारीमा गएका नेपालीहरुले स्वदेश फर्किदा जुनसुकै आकारको टिभी ल्याए पनि भन्सार नलाग्ने भएको छ ।
आर्थिक वर्ष २०८०/८१ को लागि बजेट प्रस्तुत गर्दै अर्थमन्त्री डा.प्रकाशशरण महतले रोजगारीका लागि विदेश गएर १ वर्षपछि फर्केका व्यक्तिले ल्याएको जुनसुकै टीभीमा पनि भन्सार नलाग्ने भएको हो ।
यसअघि वैदेशिक रोजगारीमा गएर फर्केका व्यक्तिहरूले ३२ इन्चीसम्मको टीभी ल्याएमा भन्सार नलाग्ने प्रावधान थियो । ३२ इन्चीभन्दा बढीको टीभी ल्याएमा भने भन्सार शुल्क तिर्नुपर्ने थियो । तर, अब भने विदेशबाट फर्किदा जुनसकै आकारको टीभी ल्याए पनि भन्सार नलाग्ने भएको हो ।
