काठमाडौं । काठमाडौंका मेयर बालेन्द्र शाह (बालेन)विरुद्ध अदालतको अवहेलनाको उजुरी परेको छ । अदालताको आदेश नमानेको भन्दै मेयर शाहलाई अदालतको अवहेलनामा कार्वाहीको माग गर्दै अधिवक्ता वर्षाकुमारी झाले सर्वोच्चमा उजुरी दिएकी हुन् ।

झाले पेश गरेको निवेदन न्यायाधीश प्रकाशकुमार ढुंगानाको एकल इजलासमा पेशी तोकिएको छ । इजलासले आवश्यक ठानेर निवेदन अघि बढाएमा मात्रै त्यसले मुद्दाको रुप लिनेछ ।

भारतीय चलचित्र ‘आदिपुरुष’को विवादका कारण काठमाडौंका हलमा हिन्दी फिल्म ‘ब्याण्ड’ गरेका मेयर शाहले केही दिन अघि अदालतले दिएको आदेशको आलोचना गरेका थिए । देशको स्वाधिनता र सार्वभौमिकताका सवालमा अदालतको आदेश नमान्ने भन्दै मेयर शाहले काठमाडौंका हलमा हिन्दी फिल्म नरोक्न अदालतले दिएको आदेश नमान्ने अडान लिएका थिए ।

मेयर शाहको उक्त अभिव्यक्तिपछि अधिवक्ता झाले अदालतको आदेश नमानेर शाहले अदालतको अवहेलना गरेको भन्दै सर्वोच्च अदालतमा उजुरी दिएकी हुन् ।