">
काठमाडौं । भारतबाट इन्धनको मूल्य बढेर आएको छ । नेपाल आयल निगमका अनुसार शुक्रबार भारतीय आयल कर्पोरेसन (आईओसी)ले पठाएको नयाँ मूल्यसूची अनुसार पेट्रोलियम पदार्थको मूल्य वृद्धि भएको हो ।
आयल निगमका अनुसार आईओसीले पठाएको नयाँ मूल्यसूचीमा पेट्रोल प्रतिलिटर ८६ पैसा र डिजेल प्रतिलिटर ३७ पैसा बढेर आएको छ । हाल नेपाली बजारमा पेट्रोल प्रतिलिटर एक सय ७५, डिजेल मट्टितेल प्रतिलिटर एक सय ५५, हवाई इन्धन एक सय ६० रुपैयाँ र खाना पकाउने ग्याँस प्रति सिलिण्डर १८ सय रुपैयाँ रहेको छ ।
हाल भारतबाट आउने इन्धनमा मूल्य वृद्धि भए पनि नेपालमा के गर्ने भन्ने विषयमा छलफल भइरहेको निगमले जनाएको छ । निगमका प्रवक्ता मनोज कुमार ठाकुरका अनुसार हालसम्म मूल्य यथावत् राख्नेबारे छलफल भइरहेको छ ।
