काठमाडौं । भारत भ्रमणमा रहेका प्रधानमन्त्री पुष्पकमल दाहाल (प्रचण्ड)सँग भारतीय प्रधानमन्त्रीका राष्ट्रिय सुरक्षा सल्लाहकार अजित डोभालले शिष्टाचार भेटवार्ता गरेका छन् ।
प्रधानमन्त्री दाहाललाई भेट्न डोभाल प्रधानमन्त्री बसेको होटल मौर्यमा पुगेका थिए । बिहीबार भएको सो भेटमा द्विपक्षीय हित र चासोका बारेमा कुराकानी भएको थियो ।
प्रधानमन्त्री दाहालसँग बिहीबार नै भारतीय विदेश सचिव विनयमोहन क्वात्राले पनि भेटवार्ता गरेका थिए । भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री दाहाल चारदिने भारत भ्रमणका लागि बिहीबार नै नयाँ दिल्ली पुगेका हुन् ।
प्रतिक्रिया दिनुहोस्