काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले आफ्नो पार्टी जनतासँग गरिएका प्रतिवद्धताबाट विमुख नभएको बताएका छन् । बिहीवार पार्टीको पहिलो स्थापना दिवसको अवसरमा पार्टी कार्यालयमा पत्रकारले सोधेका प्रश्नको जवाफ दिँदै उनले सरकारमा गएको एकसय दिनमा विदेश पुगेका नेपाली स्वदेशमै फर्काउने प्रतिवद्धताप्रति पार्टी अझै प्रतिवद्ध रहेको बताए ।
‘हामीले सरकार चलाएको १०० दिनमा देश विदेशका चोक–चोकमा ‘नेपालमा नै जागिर छ’ भन्ने कुराको पोस्टर राख्ने प्रतिवद्धताबाट हामी विमुख भएका छैनौं ।’, उनले भने, ‘पार्टीका लागि विधि, नीति, नियम र विचारहरुलाई आमनागरिकसम्म पुर्याउनुपर्ने गम्भिर चुनौती हामीमाझ छ ।’
त्यस्तै, पार्टी सभापति लामिछानीले आफूहरुको महत्वपुर्ण चुनौती नागरिकमा पुग्नु रहेको बताएका छन् । सोही अवसरमा उनले आफुहरु विधि विधान भन्दा बाहिर नजाने दाबी गरे । ‘प्राथमीकताका कुराहरुलाई क्रमशः राखेर हामी अगाडी बढछौं ।’, उनले भने, ‘विधि र विधान भन्दा बाहिर जाने छैनौं । विधि भित्र रहेर सम्पुर्ण कुरालाईसंगै लिएर जानेछौं । संसदमा हाम्रो उपस्थिती अझै मर्यादीत र प्रभावशाली हुन्छ ।’
