काठमाडौं । साताको कारोबारको पहिलो दिन आइतबार सेयर बजार मापक नेप्से परिसूचक दोहोरो अंकले बढेको छ । बिहीबारको तुलनामा नेप्से परिसूचक ४०.४८ अंकले बढेर १९८०.०९ बिन्दुमा पुगेको हो ।
आइतबार नेप्सेमा कुल २७५ कम्पनीको ९५ लाख २८ हजार २ सय ५५ कित्ता सेयर खरिद बिक्री हुँदा ३ अर्व ४५ करोडमाथिको सेयर कारोबार भएको छ । आज सबैभन्दा बढी कारोबार सिटिजन्स इन्भेस्टमेन्ट ट्रस्टको भएको छ । यस कम्पनीको ११ करोड ४७ लाख २४ हजार ५ सय १८ रुपैयाँ ६० पैसा बराबरको सेयर कारोबार भएको छ ।
यस्तै आइतबार सेयर बजारमा भूगोल एनेर्जी डेभलपमेन्ट कम्पनी लिमिटेडका लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा सिटी होटल, गुहेश्वरी मर्चेन्ट बैंक, रिलायन्स फाइनान्स, सिटिजन्स इन्भेस्टमेन्ट बैंक र मकर जितुमाया सुरी हाइड्रोपावरका लगानीकर्ताहरु पनि मालामाल भएका छन् । हेर्नुहोस् आइतबार सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच आइतबार सेयर बजारमा सबैभन्दा बढी कारोबार सिटिजन्स इन्भेस्टमेन्ट ट्रस्टको भएको छ । यस कम्पनीको ११ करोड ४७ लाख २४ हजार ५ सय १८ रुपैयाँ ६० पैसा बराबरको सेयर कारोबार भएको छ । यस अलावा शिवम् सिमेन्ट, आइजीआइ प्रुडेन्सियल इन्स्योरेन्स, नेपाल दूरसंचार कम्पनी, नेपाल रिइन्स्योरेन्स कम्पनी र सानिमा बैंक लिमिटेड प्रमोटर सेयरको पनि अत्याधिक कारोबार भएको छ । हेर्नुहोस् आइतबार सेयर बजारमा सर्वाधिक कारोबार हुने कम्पनीहरूको सूचीः
यस्तै आइतबार ग्लोबल आइएमई ब्यालेन्स फण्ड-१ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ३ प्रतिशतभन्दा धेरैले घटेको हो । आइएमई ब्यालेन्स फण्ड-१ मा यस्तो गिरावट आउँदा मेगा म्युचुअल फण्ड-१, मनकामना स्मार्ट लघुवित्त वित्तिय संस्था, एनआइसी एशिया सेलेक्ट फण्ड ३० र प्रभु स्मार्ट फण्डमा पनि उच्च गिरावट देखिएको छ । हेर्नुहोस् आइतबार सेयर बजारमा सबैभन्दा बढी गुमाउने कम्पनीहरुको सूचीः
