काठमाडौं । साताको कारोबारको पहिलो दिन आइतबार सेयर बजार मापक नेप्से परिसूचक दोहोरो अंकले बढेको छ । बिहीबारको तुलनामा नेप्से परिसूचक ५२.२६ अंकले बढेर २०९४.३३ बिन्दुमा पुगेको हो ।
आइतबार नेप्सेमा कुल २८० कम्पनीको १ करोड २० लाख ९५ हजार ९ सय ६६ कित्ता सेयर खरिद बिक्री हुँदा ४ अर्व ८६ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको ३६ करोड ६४ लाख ९९ हजार १ सय ५८ रुपैयाँ ९० पैसा बराबरको सेयर कारोबार भएको छ ।
यस्तै आइतबार सेयर बजारमा नेपाल इन्स्योरेन्स कम्पनीका लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा प्रभु लाइफ इन्स्योरेन्स, ग्रीन भेन्चर, सुपर मादी हाइड्रोपावर, आत्मनिर्भर लघुवित्त वित्तिय संस्था र मेंछियम हाइड्रोपावरका लगानीकर्ताहरु पनि मालामाल भएका छन् । हेर्नुहोस् आइतबार सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच आइतबार सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ३६ करोड ६४ लाख ९९ हजार १ सय ५८ रुपैयाँ ९० पैसा बराबरको सेयर कारोबार भएको छ । यस अलावा आइजीआइ प्रुडेन्सियल इन्स्योरेन्स, सोल्टी होटल, नेपाल लाइफ इन्स्योरेन्स, नेपाल दूरसंचार कम्पनी र हिमालयन डिष्ट्रिलरीको पनि अत्याधिक कारोबार भएको छ । हेर्नुहोस् आइतबार सेयर बजारमा सर्वाधिक कारोबार हुने कम्पनीहरूको सूचीः
यस्तै आइतबार सेयर बजारमा शुवंम पावर लिमिटेडका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशत भन्दा धेरैले घटेको हो । शुवंम पावर लिमिटेडमा यस्तो गिरावट आउँदा सिटिजन्स म्युचुअल फण्ड-१, अभियान लघुवित्त वित्तिय संस्था, भूगोल एनेर्जी डेभलपमेन्ट र मकर जितुमाया सुरी हाइड्रोपावरमा पनि उच्च गिरावट देखिएको छ । हेर्नुहोस् आइतबार सेयर बजारमा सबैभन्दा बढी गुमाउने कम्पनीहरुको सूचीः
