काठमाडौं । साताको कारोबारको दोश्रो दिन सोमबार सेयर बजार मापक नेप्से परिसूचक झिनो अंकले घटेको छ । आइतबारको तुलनामा नेप्से परिसूचक २.९४ अंकले घटेर २०९१.३९ बिन्दुमा पुगेको हो ।

सोमबार नेप्सेमा कुल २७६ कम्पनीको १ करोड २९ लाख ७५ हजार १ सय ६८ कित्ता सेयर खरिद बिक्री हुँदा ४ अर्व ७४ करोडमाथिको सेयर कारोबार भएको छ । आज पनि सबैभन्दा बढी कारोबार शिवम् सिमेन्टको भएको छ । यस कम्पनीको २९ करोड ८२ लाख १३ हजार ५ सय ७४ रुपैयाँ ८० पैसा बराबरको सेयर कारोबार भएको छ ।

यस्तै सोमबार सेयर बजारमा सेन्ट्रल फाइनान्सका लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा लक्ष्मी इक्वटी फण्ड, माउनटेन इनर्जी नेपाल, बिपीडब्लु लघुवित्त वित्तिय संस्था, मेंछियम हाइड्रोपावर र सिटि होटलका लगानीकर्ताहरु पनि मालामाल भएका छन् । हेर्नुहोस् सोमबार सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच सोमबार सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको २९ करोड ८२ लाख १३ हजार ५ सय ७४ रुपैयाँ ८० पैसा बराबरको सेयर कारोबार भएको छ । यस अलावा नेपाल दूरसंचार कम्पनी, सोल्टी होटल, आइजीआइ प्रुडेन्सियल इन्स्योरेन्स, हाइड्रो इलेक्ट्रिसिटि इन्भेस्टमेन्ट एण्ड डेभलपमेन्ट कम्पनी र नेपाल लाइफ इन्स्योरेन्सको पनि अत्याधिक कारोबार भएको छ । हेर्नुहोस् सोमबार सेयर बजारमा सर्वाधिक कारोबार हुने कम्पनीहरूको सूचीः

यस्तै सोमबार सेयर बजारमा युनिक नेपाल लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगटिभ सर्किट लागेको हो । नेपाल लघुवित्त वित्तिय संस्थामा यस्तो गिरावट आउँदा पाँचथर पावर, अभियान लघुवित्त वित्तिय संस्था, अपर हेवा खोला हाइड्रोपावर र नयाँ सारथी लघुवित्तमा पनि उच्च गिरावट देखिएको छ । हेर्नुहोस् सोमबार सेयर बजारमा सबैभन्दा बढी गुमाउने कम्पनीहरुको सूचीः