काठमाडौं । साताको कारोबारको चौथो दिन बुधबार सेयर बजार मापक नेप्से परिसूचक घटेको छ । मंगलबारको तुलनामा नेप्से परिसूचक १४.०५ अंकले घटेर २०५०.७८ बिन्दुमा पुगेको हो ।
बुधबार नेप्सेमा कुल २७१ कम्पनीको ८६ लाख ५१ हजार १ सय ६४ कित्ता सेयर खरिद बिक्री हुँदा ३ अर्व ४९ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको २३ करोड ६ लाख ४१ हजार ३ सय २७ रुपैयाँ १० पैसा बराबरको सेयर कारोबार भएको छ ।
यस्तै बुधबार सेयर बजारमा सिटि होटलका लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा सोल्टी होटल, बीपिडब्लु लघुवित्त वित्तिय संस्था, इङवा हाइड्रोपावर, एनआइबिएल ग्रोथ फण्ड र ओरियन्टल होटलका लगानीकर्ताहरु पनि मालामाल भएका छन् । हेर्नुहोस् बुधबार सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच बुधबार सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको २३ करोड ६ लाख ४१ हजार ३ सय २७ रुपैयाँ १० पैसा बराबरको सेयर कारोबार भएको छ । यस अलावा सोल्टी होटल, हिमालयन डिष्ट्रिलरी, आइजीआइ प्रुडेन्सियल इन्स्योरेन्स, सिटिजन्स इन्भेस्टमेन्ट ट्रस्ट र नेपाल लाइफ इन्स्योरेन्सको पनि अत्याधिक कारोबार भएको छ । हेर्नुहोस् बुधबार सेयर बजारमा सर्वाधिक कारोबार हुने कम्पनीहरूको सूचीः
यस्तै बुधबार सेयर बजारमा ग्रिन भेन्चरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशत भन्दा धेरैले घटेको हो । ग्रिन भेन्चरमा यस्तो गिरावट आउँदा मेंछियम हाइड्रोपावर, मानुषी लघुवित्त वित्तिय संस्था, कर्पोरेट डेभलपमेन्ट बैंक र ग्लोबल आइएमई ब्यालेन्स फण्ड-१ मा पनि उच्च गिरावट देखिएको छ । हेर्नुहोस् बुधबार सेयर बजारमा सबैभन्दा बढी गुमाउने कम्पनीहरुको सूचीः
