काठमाडौँ । बालेन शाह मेयर भएपछि सुशासनमा निकै कडा देखिएको काठमाडौँ महानगरपालिकाले सेफ्टी ट्यांकी ढलमा मिसाउने एक जनालाई ठाउँको ठाउँ ५० हजार जरिवाना तिराएको छ । काठमाडौं महानगरपालिका वडा नम्बर ६ निवासी गोकुलबहादुर बुढाथोकीले सेफ्टी ट्याङ्की ढलमा मिसाएपछि महानगरले ठाउँको ठाउँ ५० हजार रुपैयाँ जरिवाना गरेको जनाएको हो ।

पछिल्लो समय सडकमा फोहोर फाल्ने लगायत महानगरको नियम मिचेर काम गर्नेहरुलाई महानगरले जरिवाना तिराउँदै आएको छ । केहि समय अघि महानगरले राती सडकमा फोहोर फाल्नेलाई पनि जरिवाना गराएको थियो । स्थानीयले गरेको उजुरीपछि एक्सनमा उत्रिएको महानगरले यसरी सेफ्टी ट्यांकी ढलमा मिसाउनेलाई ठाउँको ठाउँ जरिवाना तिराएको हो ।