काठमाडौं । व्यवसायी दुर्गा प्रसाईंले ४ करोड खर्चेर बनाएको विद्यालयको भवन उद्घाटन गरेका छन् । बिहीबार एक कार्यक्रमकाबीच प्रसाईंले झापाको चारपानेस्थित मोहनमाया माध्यामिक विद्यायलको नवनिर्मित भवन उद्घाटन गरेका हुन् ।

विशेषत अपाङ्गता भएका (कान सुन्ने, आँखा नदेख्ने) विद्यार्थीलाई सहज होस् भनी उक्त विद्यालय स्थापना गरेको प्रसाईंले बताएका छन् । ‘यो विद्यालय कान सुन्ने, आँखा नदेख्ने विद्यार्थीका लागि लक्षित छ ।’, प्रसाईंले भने, ‘यसले यस्ता विद्यार्थीलाई शिक्षा आर्जन गर्न सहयोग गर्नेमा विश्वस्त छु ।’

प्रसाईंका अनुसार उक्त १६ कोठे विद्यालय बनाउन करिब ४-५ करोड रुपैयाँ खर्च भएको छ । जुन खर्च सम्पूर्ण आफ्नो व्यक्तिगत तर्फबाट भएको प्रसाईंले बताएका छन् ।

उक्त विद्यालयको उद्घाटनसँगै सयौँ नागरिकहरुले प्रसाईंलाई धन्यवाद दिएका छन् । विद्यालय स्थापना भएसँगै अब कान नसुन्ने र आँखा नदेख्ने विद्यार्थीहरु पनि खुसी भएका छन् ।