काठमाडौं । साताको कारोबारको दोश्रो दिन सोमबार सुनको मूल्य प्रतितोला १ सय रुपैयाँले घटेको छ ।

आइतबार छापावाला सुन प्रतितोला १ लाख १० हजार १ सय रुपैयाँमा कारोबार भएको थियो भने सोमबार १ सय रुपैयाँले घटेर १ लाख १० हजार रुपैयाँमा कारोबार भईरहेको छ । यस्तै, तेजावी सुन प्रतितोला १ लाख ९ हजार ५ सय रुपैयाँमा कारोबार भईरहेको छ ।

यता, चाँदीको मूल्य भने स्थिर रहेर १ हजार ३ सय ७० रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ९४ हजार ३ सय १० रुपैयाँ, तेजावी सुन प्रति १० ग्राम ९३ हजार ८ सय ८० रुपैयाँ र प्रति १० ग्राम चाँदीको मूल्य १ हजार ३ सय ७० रुपैयाँ कायम गरेको छ ।