काठमाडौं । नेपाल राष्ट्र बैंकका गर्भनर महाप्रसाद अधिकारीले नेपालको अर्थतन्त्रमा सूचना प्रविधि क्षेत्रको प्रयोग बढाउँदै लैजानु आवश्यक रहेको बताएका छन् । नेपालमा सूचना प्रविधि क्षेत्रको विकासका राष्ट्रिय आयाम विषयक सम्मेलनलाई सम्बोधन गर्दै गभर्नर अधिकारीले मौद्रिक नीतिले समेत सूचना प्रविधिमा आधारित व्यापारलाई प्रोत्साहन गरेको दाबी गरेका हुन् ।
खास गरी विदेशबाट रेमिट्यान्स प्राप्त गर्ने गरी ‘क्रस बोर्डर भुक्तानी’लाई व्यवस्थित गर्न लागिएको गभर्नर अधिकारीको भनाई छ । उनले बैंक तथा वित्तिय संस्थाले सूचना प्रविधिको क्षेत्रमा ठुलो लगानी गरेको उल्लेख गरेका छन् ।
त्यस्तै, मौद्रीक नीतिले वैदेशिक मुद्रा भित्र्याउन सहजिकरण गर्ने गरी सूचना प्रविधि क्षेत्रको विकासलाई प्राथमिकतामा राखेको गभर्नर अधिकारीले बताएका छन् । अनलाईन व्यापार र अनलाईन पेमेन्टलाई प्रोत्साहन गरिदाँ नेपालको सूचना प्रविधि क्षेत्रको विकासमा योगदान पुग्नेमा उनले विश्वास व्यक्त गरेका छन् ।
सिलिकन भ्याली र भारतको बैंलोरलाई हेरेर पनि विश्वमा डिजिटल क्षेत्रको महत्व र योगदान कति भन्ने थाहा हुने भन्दै गर्भनर अधिकारीले नेपालले पनि डिजिटल क्षेत्रको विकासमा थप काम गर्नु आवश्यक भएको औँल्याएका छन् ।
