">
काठमाडौं । नेकपा एमालेका अध्यक्ष केपी शर्मा ओलीले संसदमा प्रधानमन्त्री पुष्पकमल दाहाल (प्रचण्ड)को जवाफ नभएर राजिनामा चाहिएको बताएका छन् । पत्रकारहरुको प्रश्नको संक्षिप्त जवाफ दिँदै ओलीले प्रधानमन्त्री प्रचण्डले राजिनामा दिनुपर्ने बताएका हुन् ।
‘प्रधानमन्त्रीको अभिव्यक्ति राष्ट्रिय स्वाभिमान र स्वाधिनता गिराउने खालको अशोभनीय र आपत्तिजनक रह्यो,’ एमाले अध्यक्ष ओलीले भने, ‘हामीलाई जवाफ होइन, राजीनामा चाहियो । उहाँबाट साह्रै भएन ।’
प्रधानमन्त्री पुष्पकमल दाहाल ‘प्रचण्ड’ले गत असार १८ गते प्रितम सिंहको पुस्तक विमोचन गर्दै उनले आफूलाई प्रधानमन्त्री बनाउन पटक(पटक दिल्ली गएको बताएका थिए । प्रधानमन्त्रीको उक्त अभिव्यक्तिपछि प्रचण्ड थप विवादमा तानिएका छन् ।
