काठमाडौं । लुम्बिनी प्रदेशका पूर्वभूमि व्यवस्था, कृषि तथा सहकारी मन्त्री विजयबहादुर यादव पक्राउ परेका छन् । यादवलाई प्रहरीले बैंकिङ कसुर मुद्धामा पक्राउ गरेको हो ।
उनले गत माघ १० गते रपन्देहीको सियारी गाउँपालिका १ का उमाशंकर यादवका नाममा तत्कालीन बैंक अफ काठमाण्डूको १२ लाख २८ हजार रपैयाँको चेक दिएका थिए । तर, उक्त चेक बाउन्स भएपछि पूर्वमन्त्रीसमेत रहेका यादवविरुद्ध बैंकिङ कसुरको मुद्धा दर्ता भएको थियो ।
मुद्दा दर्तापछि यादवविरुद्ध पक्राउ पुर्जी जारी भएको र सोही पक्राउ पूर्जीका आधारमा बाँकेको डुडुवा गाउँपालिका होलीयाबाट यादवलाई पक्राउ गरेको रुपन्देही प्रहरी प्रवक्ता एवं प्रहरी नायब उपरीक्षक श्यामू अर्यालले जनाएका छन् ।
लुम्बिनी प्रदेशसभामा बाँकेको प्रदेश सभा निर्वाचन क्षेत्र नम्बर ‘क’बाट निर्वाचित उनी लुम्बिनी प्रदेश सरकारका पूर्वभूमि व्यवस्था, कृषि तथा सहकारीमन्त्री हुन् ।
