काठमाडौं । भारतीय आयल कर्पोरेसन (आइओसी) ले नेपाल आयल निगमलाई पेट्रोलियम पदार्थको नयाँ मूल्यसूची पठाएको छ । आइओसीले पठाएको मूल्य सूचीअनुसार पेट्रोल प्रतिलिटर १४ पैसा घटेर आएको ।
यता, डिजेटल, मट्टीतेल र हवाई इन्धनको भाउ भने बढेर आएको छ । निगमका अनुसार डिजेल प्रतिलिटर २ रुपैयाँ १६ पैसा, मट्टीतेल ५ पैसा र हवाई इन्धनमा ५७ पैसा मूल्य बढेर आएको छ भने खाना पकाउने ग्यासको मूल्य प्रतिसिलिन्डर १६१ रुपैयाँ घटेर आएको छ ।
आइओसीले निगमलाई १५-१५ दिनमा अर्थात अंग्रेजी महिनाको १ र १६ तारिखका दिन नयाँ मूल्यसूची पठाउने गर्दछ । सो अनुसार आइओसीले १५ दिनअघिको तुलनामा पेट्रोलियम पदार्थको मूल्य घटाएर पठाएको हो ।
