काठमाडौं । साताको कारोबारको पहिलो दिन आइतबार सेयर बजार मापक नेप्से परिसूचक दोहोरो अंकले बढेको छ । बिहीबारको तुलनामा नेप्से परिसूचक २८.३८ अंकले बढेर २०७७.७६ बिन्दुमा पुगेको हो ।
आइतबार नेप्सेमा कुल २८७ कम्पनीको ८३ लाख ५२ हजार ५ सय ७६ कित्ता सेयर खरिद बिक्री हुँदा ३ अर्व ४ करोडमाथिको सेयर कारोबार भएको छ । आज सबैभन्दा बढी कारोबार हिमालयन लाइफ इन्स्योरेन्सको भएको छ । यस कम्पनीको १८ करोड ६० लाख ७२ हजार ६० रुपैयाँ बराबरको सेयर कारोबार भएको छ ।
यस्तै आइतबार सेयर बजारमा रावा इनर्जी डेभलपमेन्टका लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा सिटि होटल, १०% प्रभु बैंक डेबेञ्चर २०८४, प्रोग्रेसिभ फाइनान्स बैंक, १०.२५% सनराइज बैंक डेबेञ्चर २०८३ र सिटिजन्स म्युचुअल फण्ड-१ का लगानीकर्ताहरु पनि मालामाल भएका छन् । हेर्नुहोस् आइतबार सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच आइतबार सेयर बजारमा सबैभन्दा बढी कारोबार हिमालयन लाइफ इन्स्योरेन्सको भएको छ । यस कम्पनीको १८ करोड ६० लाख ७२ हजार ६० रुपैयाँ बराबरको सेयर कारोबार भएको छ । यस अलावा शिवम् सिमेन्ट, सोल्टी होटल, अरुण काबेली पावर, अपर तामाकोशी हाइड्रोपावर र एनएमबि बैंकको पनि अत्याधिक कारोबार भएको छ । हेर्नुहोस् आइतबार सेयर बजारमा सर्वाधिक कारोबार हुने कम्पनीहरूको सूचीः
यस्तै आइतबार सेयर बजारमा अपर तामाकोशी हाइड्रोपावरले सबैभन्दा बढी गुमाएका छन् । यस कम्पनीको सेयर मूल्य ६ प्रतिशत भन्दा धेरैले घटेको हो । अपर तामाकोशीमा यस्तो गिरावट आउँदा लिबर्टी इनर्जी कम्पनी, जोशी हाइड्रोपावर डेभलपमेन्ट, पिपुल्स पावर लिमिटेड र बिपीडब्लु लघुवित्त वित्तिय संस्थामा पनि उच्च गिरावट देखिएको छ । हेर्नुहोस् आइतबार सेयर बजारमा सबैभन्दा बढी गुमाउने कम्पनीहरुको सूचीः
