काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक घटेको छ । सोमबारको तुलनामा नेप्से परिसूचक ३६.१९ अंकले घटेर २१६४.३१ बिन्दुमा पुगेको हो ।
मंगलबार नेप्सेमा कुल २६७ कम्पनीको ७७ लाख १६ हजार २ सय ७७ कित्ता सेयर खरिद बिक्री हुँदा २ अर्व ९१ करोडमाथिको सेयर कारोबार भएको छ । आज सबैभन्दा बढी कारोबार सोल्टी होटल लिमिटेडको भएको छ । यस कम्पनीको १५ करोड २७ लाख ७९ हजार ७४ रुपैयाँ ३० पैसा बराबरको सेयर कारोबार भएको छ ।
यस्तै मंगलबारको सेयर बजारमा किसान लघुवित्त वित्तिय संस्थाका लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा सिटि होटल लिमिटेड, रिभर फल्स पावर लिमिटेड, युनिलिभर नेपाल लिमिटेड, गणपति लघुवित्त वित्तीय संस्था र सामुदायिक लघुवित्त वित्तीय संस्थाका लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच मंगलबारको सेयर बजारमा सबैभन्दा बढी सोल्टी होटल लिमिटेडको भएको छ । यस कम्पनीको १५ करोड २७ लाख ७९ हजार ७४ रुपैयाँ ३० पैसा बराबरको सेयर कारोबार भएको छ । यस अलावा शिवम् सिमेन्ट, ग्लोबल आइएमई बैंक, एभरेस्ट बैंक लिमिटेड, कुमारी बैंक लिमिटेड र नेपाल रिइन्स्योरेन्स कम्पनीको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरूको सूचीः
यस्तै मंगलबारको सेयर बजारमा नबिल डेबेञ्चर २०८५ ले सबैभन्दा बढी गुमाएका छन् । यस कम्पनीको सेयर मूल्य ६ प्रतिशतभन्दा धेरैले घटेको हो । नबिल डेबेञ्चर २०८५ मा यस्तो गिरावट आउँदा बिपीडब्लु लघुवित्त वित्तिय संस्था, ८.५% सानिमा डेबेञ्चर २०८७, सिटिजन्स बैंक इन्टरनेशनल र माउनटेन इनर्जी नेपालमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः
