काठमाडौं । श्री एयरलाइन्सले प्राविधिक परीक्षणका लागि भन्दै आइतबार सबै उडान स्थगित गरेको छ । सबै विमानहरुको प्राविधिक परीक्षण गर्नका लागि सबै उडान स्थगित गरिएको एयरलाइन्सले जनाएको हो ।
शनिबार दिउँसो साढेँ तीनबजे काठमाडौंबाट धनगढीका लागि उडेको विमानमा प्राविधिक समस्या आएपछि काठमाडौंमै आपतकालिन अवतरण गराइएको थियो ।
सो घटनाहरु नदोहोरियोस भन्दै सबै विमानको प्राविधिक परीक्षण गर्ने एयरलाइन्सले निर्णय लिएको हो ।
आज एयरलाइन्सका सबै विमानहरुको परीक्षण गरेपछि सोमबारदेखि भने सबै उडानहरु नियमित रुपमा सञ्चालनमा आउनले प्रेस नोटमा जनाईएको छ ।
