काठमाडौं । सोमबार रातीदेखि परेको लगातार वर्षाका कारण भक्तपुरका विभिन्न क्षेत्र डुवानमा परेका छन् । हनुमन्ते, मनोहरा खोलामा आएको बाढीले खोला आसपासका क्षेत्रका घर डुवानमा परेका हुन् ।
भारी वर्षाका कारण सडक, घर, विद्यालय क्षेत्र जलमग्न हुँदा जनजीवन प्रभावित भएको छ । त्यस्तै, काठमाडौं उपत्यकाको बूढानीलकण्ठ, सुन्दरीजल, नगरकोट आसपासमा भारी वर्षा भएका कारण उपत्यका भएर बग्ने खोला तथा नदीमा पानीको बहाव बढेको प्रहरीले जनाएको छ । विष्णुमती, धोबीखोला, मनोहरालगायतमा जलसतह बढेकाले उच्च सतर्कता अपनाउन बाढी पूर्वानुमान महाशाखाले अनुरोध गरेको छ । बाँकि तस्विरमा हेर्नुहोस :
