काठमाडौं । काठमाडौंदेखि भैरहवाका लागि उडेको बुद्ध एयरको जहाजमा समस्या देखिएको छ । बिहीबार काठमाडौंको त्रिभुवन अन्तराष्ट्रिय विमानस्थलबाट भैरहवाका लागि उडेको बुद्ध एयरको एटीआर ८५७ जहाजमा समस्या देखिएको हो ।
जहाजमा समस्या देखिएपछि काठमाडौंबाट उडेको जहाज पुनः फर्काइएको हो । जहाजमा के समस्या देखिएको हो भन्नेबारे भने खुलेको छैन ।
हाल उक्त जहाजमा सवार यात्रुहरुलाई अर्को विमानमा राखेर भैरहवा पठाउने तयारी गरिएको छ । जहाजमा देखिएको समस्याबारे प्राविधिक टोलीले जाँच गर्दैछन् ।
