काठमाडौं । प्रहरीको केन्द्रीय अनुसन्धान ब्यूरो (सीआईबी)ले डा.रञ्जिनकुमार यादवलाई थुनामुक्त गरेको छ । नक्कली भनेर पक्राउ परेका डा.यादव सक्कली रहेको पुष्टी भएपछि सिआईबीले डा.यादवलाई थुनामुक्त गरेको हो ।

२६ साउनमा सीआईबीले ‘अपरेशन फक्सट्रट’का नाममा महोत्तरीको पिपरा गाउँपालिका–८ का रञ्जिनकुमार यादवलाई पक्राउ गरेको थियो । तर, डा.यादवको शैक्षिक प्रमाणपत्रमा कुनै पनि कैफियत नदेखिएपछि सोमबार उनी थुनामुक्त भएका हुन् ।

सीआईबीले डा.यादवलाई नाम जुधेकै आधारमा पक्राउ गरेको थियो । यादवको बुवाको नामबाहेक अन्य सबै विवरण मेल खाएपछि पक्राउ गरिएको सीआईबीले प्रतिक्रिया दिएको छ । हाल उक्त विषयमा विज्ञप्ती जारी गरेर जानकारी दिने तयारी गरेको सीआईबीका प्रवक्ता नवराज अधिकारीले जानकारी दिएका छन् ।

हाल उक्त प्रकरणमा ६ जना सीआईबीको हिरासतमा रहेका छन् । यसअघि पक्राउ परेका सांसद सुनिल शर्मालाई अदालतले थुनामा नराखी अनुसन्धान गर्न आदेश दिएपछि उनी यसअघि नै थुनामुक्त भइसकेका छन् ।