काठमाडौं । बैंकिङ कसुर मुद्दाका दुई फरार प्रतिवादी पक्राउ परेका छन् । पक्राउ पर्नेमा कास्की जिल्ला पोखरा महानगरपालिका वडा नं. १० घर भई हाल काठमाडौं महानगरपालिका वडा नं.१० सतुङ्गल बस्ने ४२ वर्षीय राजेन्द्र भण्डारी र ४२ वर्षीय निर्मला कार्की (भण्डारी) पक्राउ परेका हुन् ।
काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले उनीहरुलाई साउन १२ गते सतुङ्गलबाट पक्राउ गरेको हो । पक्राउ परेका उनीहरुलाई थप अनुसन्धान तथा कारवाहीका लागि वडा प्रहरी कार्यालय रामबजार, कास्की पोखरा पठाईएको प्रहरीले जनाएको छ ।
