काठमाडौं । वैदेशिक रोजगारीका लागि कतार पठाईदिने भन्दै रकम ठगी गर्ने महिला पक्राउ परेकी छिन् । सर्लाही जिल्ला बागमती गाउँपालिका वडा नं. २ स्थाई घर भई हाल काठमाडौं महानगरपालिका वडा नं. २६ मित्रनगर बस्ने २९ वर्षीय सरस्वती अधिकारी पक्राउ परेकी हुन् ।
उनले लोक राज भण्डारीलाई वैदेशिक रोजगारीका लागि कतार पठाईदिन्छु, आकर्षक तलब हुन्छ भनि विश्वास दिलाई प्रलोभनमा पारेर पीडितबाट रकम लिई सम्पर्क विहीन भएकी थिइन् । वैदेशिक रोजगार विभागले उनको खोजि गर्न पत्राचार गरेपछि काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले उनलाई भदौ १२ गते गंगबुबाट पक्राउ गरेको हो ।
पक्राउ परेकी भण्डारीलाई थप अनुसन्धान तथा कारवाहीका लागि वैदेशिक रोजगार विभाग ताहाचल पठाईएको छ ।
