काठमाडौँ । स्वतन्त्र आर्थिक मिडिया संचालकहरुको छाता संगठन, आर्थिक मिडिया संचालक संघ नेपाल (इमान)ले राष्ट्रिय समाचार समितिलाई आर्थिक मिडियालाई समाचार सेवाको शुल्कमा विशेष छुट दिन आग्रह गरेको छ । सोमबार संघका अध्यक्ष रोयल आचार्यसहितको टोलीले रासस पुगेर यस्तो आग्रहसहितको ज्ञापनपत्र राससका अध्यक्ष धर्मेन्द्र झालाई बुझाएको हो ।
‘मिडिया प्रतिपक्षी मात्र होइन, उत्प्रेरक पनि हो’ भन्ने मूल नाराका साथ अगाडी बढेको इमानले रासससमक्ष राखेको आग्रह बोर्डमा प्रस्तुत गरिने र सोहि अनुसार निर्णय हुने जानकारी राससका अध्यक्षले गराएका छन् । इमानको मागमा आफु सकारात्मक रहेको बताउँदै झाले यो विषयलाई बोर्ड बैठकमा लगेर टुंगोमा पुर्याईने बताएका हुन् ।
हाल इमानमा २२ बढी आर्थिक मिडियाहरु आवद्ध छन् । इमानले स्थापना कालदेखि आर्थिक मिडियाहरुको हक, हित सम्रक्षण र सम्बर्द्धनका लागि काम गर्दै आएको छ ।
