">
काठमाडौं । मन्दीका कारण बिलासिताजन्य खाद्यपद्दार्थको माग कम हुँदा काजुको माग घटेको व्यवसायीहरुले बताएका छन् । चालु आर्थिक वर्ष २०८०/०८१ को पहिलो साउन महिनामा पाँच करोड ८२ लाख ३२ हजार रुपैयाँ बराबरको काजु नेपाल भित्रिएको छ । जुन अघिल्लो आर्थिक वर्षको तुलनामा ६३.७१ प्रतिशतले कम हो ।
गत वर्षको सोहि अवधिमा १२ करोड ६६ लाख ३५ हजार रुपैयाँ बराबरको एक लाख ७६ हजार १६८ किलोग्राम काजु नेपाल भित्रिएको थियो ।
भन्सार विभागले सार्वजनिक गरेको तथ्यांकअनुसार एक महिनामा भारत र भियतनामबाट ६३ हजार ९ सय २१ किलोग्राम काजु नेपाल भित्रिएको हो । यसबाट सरकारले दुई करोड ८८ लाख ६५ हजार रुपैयाँ राजस्व संकलन गरेको छ ।
