काठमाडौं । केही समयअघि विभिन्न पदका लागि विषय विज्ञको लागि आवेदन खुलाएको काठमाडौं महानगरपालिकाले पुनः १९ जना विज्ञको माग गरेको छ । एक सुचना जारी गर्दै महानगरले विभिन्न पदमा १९ जना विषय विज्ञको लागि आवेदन मागेको हो ।
महानगरले वातावरण विज्ञ, फोहोरमैला व्यवस्थापन विज्ञ, केमिकल इन्जिनियर, मेकानिकल इन्जिनियर, जैविक विविधता विज्ञ/वन्यजन्तु विज्ञ, वातावरण कानुनविद् माग गरेको हो। त्यस्तै काठमाडौं महानगरले मानवशास्त्री, समाजशास्त्री, पुरातत्त्वशास्त्री, अर्थशास्त्री, जन स्वास्थ्यविद्, भूगर्भशास्त्री/भूगर्भ इन्जिनियर, आर्किटेक्ट, स्ट्रक्चरल इन्जिनियर, अर्बान प्लानर, ऊर्जा विज्ञ, इलेक्ट्रिकल इन्जिनियर, इलेक्ट्रोनिक इन्जिनियर, जियोम्याटिक्स इन्जिनियर मागेको छ ।
महानगरले माग गरेको विषय विज्ञका लागि मान्यता प्राप्त शैक्षिक संस्थाबाट सम्बन्धित विषयमा स्नातकोत्तर पास गरेको हुनुपर्नेछ ।
त्यस्तै, सम्बन्धित विषयमा कम्तीमा १० वर्ष काम गरी वातावरणीय अध्ययन प्रतिवेदन तयार गर्ने कार्यमा ३ वर्ष वा सोभन्दा बढी कार्य अनुभव भएको वा विभिन्न विषयमा १० वर्षभन्दा बढी समय अध्यापन तथा अनुसन्धान गरेको हुनुपर्नेछ । योग्यता पुगेका इन्छुकले सूचना जारी भएको ७ दिनभित्र आवेदन दिन सक्नेछन् ।
