काठमाडौं । मदिराको बोत्तलमा अनिवार्य रुपमा पारदर्शी प्लाष्टिकको खोल प्रयोग गर्नुपर्ने भएको छ । अन्तःशुल्क टिकटको सुरक्षाका लागि आन्तरिक राजस्व विभागले मदिराजन्य वस्तुको बोत्तलमा अनिवार्य रुपमा पारदर्शी पलाष्टिकको खोल (श्रिंक क्याप) प्रयोग गर्नुपर्ने व्यवस्था लागू गरेको हो ।
श्रिंक क्याप प्रयोग गर्नुपर्ने नियम कार्यान्वयन सम्बन्धी एक सूचना जारी गर्दै विभागले असोज १ गतेदेखि अनिवार्य रुपमा मदिराको बोत्तलमा पारदर्शी प्लाष्टिकको खोल प्रयोग गर्न निर्देशन दिएको हो ।
विभागले अन्तःशुल्क नियमावली २०५९ मा भएको २४औँ संशोधनले २०८० साल असोज १ गते देखि पैठारी गर्ने इजाजतपत्रवालाले समेत पैठारी गरेको मदिरा (बियर, वाइन र साइडर बाहेक) को बोतलमा अन्तःशुल्क टिकटको सुरक्षाको लागि पारदर्शी प्लाष्टिकको खोल ( कि क्याप) प्रयोग गर्नु पर्ने व्यवस्था सहित नियम २९गमा संशोधन गरेको छ ।
अन्तःशुल्क नियमावली २०५९ को उल्लिखित व्यवस्था अनुसार २०८० साल असोज १ गते देखि पैठारी गर्ने इजाजतपत्रवालाले पैठारी गरेको मदिरा ( बियर, वाइन र साइडर बाहेक) को बोतलमा अन्तःशुल्क टिकटको सुरक्षाको लागि पारदर्शी प्लाष्टिकको खोल (चिंक क्याप) प्रयोग गर्न आवश्यक तयारी एवम् उक्त प्रावधानको प्रभावकारी कार्यान्वयन गर्न निर्देशन दिएको छ ।
विभागले जारी गरेको व्यवस्था असोज १ गतेदेखि लागू हुनेछ । उल्लेखित कानुनी व्यवस्थाको उल्लंघन गरेको पाइए प्रचलित कानुन बमोजिक कार्वाही गर्ने विभागले चेतावनी दिएको छ ।
