काठमाडौं । सुनसरीमा नेपाली नक्कली नोटसहित प्रहरीले एक जनालाई पक्राउ गरेको छ । जिल्लाको रामधुनी नगरपालिका १ हनुमान मन्दिरबाट प्रहरीले साढे १७ हजार नेपाली नक्कली नोटसहित प्रहरीले ३७ वर्षीय रोशन चौधरीलाई पक्राउ गरेको हो ।
पक्राउ परेका चौधरीको साथबाट प्रहरीले पाँच सय रुपैयाँ दरका ३५ वटा नेपाली नक्कली नोट बरामद गरेको छ ।
रोशनलाई शनिबार दिउँसो प्रहरीले खाजा खाएर नक्कली नोट दिएको सूचनाका आधारमा पक्राउ गरेको हो । उनले स्थानीय बिक्रम चौधरीले सञ्चालन गरेको थारु कटेजमा खाजा खाएर पैसा तिर्ने बेलामा नक्कली नोट दिएका थिए । उनले दिएको नोट नक्कली भन्ने थाहा पाएपटि कटेज सञ्चालकले दिएको सूचनाका आधारमा रोशनलाई पक्राउ गरिएको जिल्ला प्रहरी कार्यालय सुनसरीले जनाएको छ ।
प्रहरी कार्यालय सुनसरीका अनुसार रोशनलाई इलाका प्रहरी कार्यालय रामधुनीबाट खटिएको प्रहरी टोलीले पक्राउ गरेको हो । पक्राउ परेका चौधरीलाई थप अनुसन्धानका लागि उनलाई आवश्यक इलाका प्रहरी कार्यालय पकली पठाइएको प्रहरीले जनाएको छ ।
कसरी चिन्ने नक्कली नोट ?
नक्कली नोट र सक्कली नोटमा धेरै फरक हुने भएकाले छुट्याउन धेरै गाह्रो हुँदैन । सक्कली नोट खस्रो हुन्छ । साथै अंकहरुसमेत केही उठेका हुन्छन् । छाम्दाखेरि चिल्लो छ र अंकहरु उठेका छैनन् भने त्यो नोट नक्कली हो। सक्कली नोटको बीच भागमा सुरक्षा धागो हुन्छ । नोटलाई उज्यालोतिर फर्काएर हेरेमा नेपाल राष्ट्र बैंक लेखिएको पढ्न सकिन्छ । नक्कली नोटमा राखिएको सुरक्षा धागोले नोटका अक्षरहरु छोपिएका हुन्छन् ।नक्कली नोटका कारोबारीहरुलाई ५ वर्षदेखि १० वर्षसम्म कैद र ५० हजार देखि १ लाख रुपैयाँसम्म जरिवाना हुन सक्ने मुलुकी अपराध संहिताको दफा २५६ मा व्यवस्था छ । (भिडियो)
