काठमाडौं । ओरियन्टल इन्स्योरेन्स कम्पनी लिमिटेडले गत आर्थिक वर्षको चौथो त्रैमासको वित्तिय विवरण सार्वजनिक गरेको छ । कम्पनीले गत आर्थिक वर्षको चौथो त्रैमाससम्ममा ४० करोड १ लाख रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा ३७.५९ प्रतिशतले धेरै हो ।
इन्स्योरेन्सले अघिल्लो वर्षको सोहि अवधिमा २९ करोड ८ लाख रुपैयाँ खुद नाफा आर्जन गरेको थियो । कम्पनीको बिमा कोषको आकार पनि १ अर्ब १५ करोड रुपैयाँबाट बढेर १ अर्ब ३५ करोड रुपैयाँ पुगेको छ । त्यस्तै, खुद बिमा शुल्क आर्जन पनि ७.५४ प्रतिशतले बढेको छ । अघिल्लो वर्ष कम्पनीले ९० करोड ५६ लाख रुपैयाँ खुद बिमा शुल्क आर्जन गरेको थियो भने यो त्रैमासमा बढेर ९७ करोड ४९ लाख रुपैयाँमा पुगेको छ ।
यता, कम्पनीको खुद दाबी भुक्तानी पनि ५७ करोड ६२ लाख रुपैयाँबाट बढेर ५८ करोड ३३ लाख रुपैयाँ कायम भएको छ । हाल ओरियन्टलको जगेडा कोषमा ५१ करोड ७६ लाख रुपैयाँ रहेको छ ।
