काठमाडौं । नेपाली कांग्रेसका सांसद सुनिल शर्मा पक्राउ परेका छन् । शैक्षिक प्रमाणपत्र किर्ते गरेको आरोपमा बिहीबार प्रहरीको केन्द्रीय अनुसन्धान ब्यूरो (सीआईबी)ले सांसद शर्मालाई पक्राउ गरेको हो ।
शर्मालाई सीआईबीले गोल्फुटारस्थित उनकै निवासबाट पक्राउ गरेको हो । शर्मा मोरङ ३ बाट प्रतिनिधिसभा सदस्यमा निर्वाचित सांसद हुन् ।
शैक्षिक प्रमाणपत्र किर्ते आरोपमा पक्राउ परेका शर्माविरुद्ध थप अनुसन्धान भईरहेको नेपाल प्रहरीका प्रवक्ता डीआईजी कुवेर कडायतले जानकारी दिएका छन् । शर्मासँगै थप दुईजनालाई पनि सीआईबीले पक्राउ गरेको छ ।
