‘हिमालयन ब्रोकरेजका अध्यक्ष सागर ढकालले हाम्रो बौद्धिक सम्पत्ति चोरी गरी हामीलाई नोक्सान पुर्याउने काम गरेको पाइएपछि हामी उनीविरुद्ध क्षतिपूर्तिको दाबीसहित अदालत जाँदैछौँ ।’ ढकालले दुरुपयोग गरेको बौद्धिक सम्पत्तिका हिस्सेदार कम्पनीका अध्यक्षले अर्थ सरोकारसँग भने- ‘हामीले उनलाई यस विषयमा सचेत गराउन फोन गर्दा पनि सम्पर्कमा नआउने र हाम्रो बौद्धिक सम्पति निरन्तर चोरी गरी हामीलाई नोक्सान पुर्याउने काम भएपछि हामीले अन्तत: अदालत जाने निर्णय गरेका छौँ । हामीले लाखौँ खर्च गरी बनाएको सञ्चार सामाग्रीमा उनले हाम्रो लोगो काटेर आफ्नो भनी प्रचारप्रसार गरेका छन्, जुन सरासर हाम्रो सम्पतिमाथिको अन्याय हो । हामी यस विषयमा धितोपत्र बोर्डमा समेत उजुरी गर्ने तयारीमा छौँ ।’

अचम्मको कुरा त के छ भने अरुको बौद्धिक सम्पत्तिको खुलेआम चोरी गर्ने ढकाल नयाँ ब्रोकर एसोसिएसनका अध्यक्षसमेत हुन्  भने राष्ट्रिय सहकारी महासंघका संचालक पनि हुन्। आफैं कानुन व्यवसायी भएर पनि अरुको सम्पतिमाथि खुलेआम चोरीचकारी गर्ने ढकाल यसअघि हाथवे फाइनान्स कम्पनीका संचालक पनि थिए । उनले अरुको संचार सामाग्रीको चोरी गरी आफ्नो कम्पनीको सामाजिक संजालमा समेत पोष्ट गरेका थिए ।