काठमाडौं । संसद सञ्चालन गर्न दलहरुबीच दुई बुँदे सहमति भएको छ । बुधबार प्रधानमन्त्री कार्यालयमा बसेको राष्ट्रिय मान्यता प्राप्त पार्टीहरुको बैठकमा संसद बैठक सञ्चालन गर्ने विषयमा दुई बुँदे सहमति भएको हो ।

बैठकमा भएको दुईबुँदे सहमतिको मस्यौदा तयार पारिएको बैठकमा सहभागी एक नेताले जानकारी दिएका छन् । ती नेताका अनुसार उक्त सहमतिबारे केहीबेरमा औपचारिक हस्ताक्षर गरिनेछ ।

सुन तस्करी प्रकरणमा उच्च स्तरीय छानविन समिति गठन गर्नुपर्ने माग राख्दै प्रमुख प्रतिपक्षी दल नेकपा एमालेले साउन १० गतेदेखि नै संसदमा अवरोध जनाउँदै आएको थियो । एमालेकै अवरोधका कारण हालसम्म संसद सञ्चालन हुन सकेको छैन । संसदको गतिरोध अन्त्यका लागि दलहरुबीच सहमति भएसँगै बैठक बुधबार दिउँसो तीन बजे बस्ने भएको छ ।