काठमाडौं । पछिल्लो समय निकै पेचिलो बनेको सुन तस्करी प्रकरणमा नेताहरुबीच कुरो मिलेपछि मंगलबार प्रतिनिधि सभाको बैठक बस्ने भएको छ । १० साउनदेखि एमालेको अवरोधका कारण सञ्चालन हुन नसकेको संसद बैठक मंगलबार दिउँसो तीन बजे बस्ने भएको हो ।

यसअघि सुन तस्करी प्रकरणमा उच्च स्तरीय छानविन समिति गठनको माग गर्दै एमालेले अवरोध गर्दै आएको थियो । तर, एमालेको माग सम्बोधन गर्ने सहमति भएसँगै संसदको अवरोध हट्ने भएको हो ।

सोमबार राती प्रधानमन्त्री कार्यालयमा बसेको शिर्ष नेताहरुको बैठकमा सुन तस्करी प्रकरणमा उच्च स्तरीय छानविन समिति बनाउने सहमति भएको हो । आफ्नो मागप्रति सरकार सकारात्मक भएसँगै एमालेले संसदमा कुनै अवरोध नगर्ने भएको हो ।