काठमाडौं । बुटवलस्थित अक्सफर्ड कलेजमा सेयर सचेतना कार्यक्रम सम्पन्न भएको छ ।
कार्यक्रमको प्रमुख प्रशिक्षकका रुपमा सेयर गुरु सुवासचन्द्र भट्टराई रहेका थिए । करिब एक सय जनाभन्दा बढी विद्यार्थी सहभागी रहेको उक्त कार्यक्रममा विद्यार्थीलाई सेयर बजारका विषयमा सिकाइएको थियो । उक्त कार्यक्रमबाट सेयर बजारबारे धेरै कुरा सिक्न पाएको सहभागीहरुको प्रतिक्रिया रहेको छ ।
उक्त कार्यक्रम सेयर बजार सिक्न चाहनेहरुका लागि प्रभावकारी बनेको अर्थ सरोकार डटकमका कार्यकारी प्रमुख सुरज प्याकुरेलले बताएका छन् । ‘अक्सफर्ड कलेजमा गरिएको सेयर सेचना कार्यक्रम फलदायी रह्यो । धेरैले सेयर बजारबारे धेरै कुरा सिक्न पाउनुभएको छ ।’, उनले भने, ‘अर्थ सरोकार विद्यार्थी तथा नयाँ लगानीकर्ताका समस्या सम्बोधन गर्न हरदम तयार छ ।’
त्यस्तै, सेयर बजारबारे सचेतना तालिम सञ्चालन गरेर सेयर बजारबारे सिक्न चाहने विद्यार्थी र नयाँ लगानीकर्तालाई अवसर सृजना गरेको भन्दै कलेज प्रतिनिधिहरुले पनि धन्यवाद ज्ञापन गरेका छन् ।
सेयर बजारप्रति बढ्दो आकर्षण र नयाँ लगानीकर्ताको अपेक्षा अनुसार अर्थ सरोकारले देशभरका विभिन्न कलेजहरुमा सेयर सचेतना कार्यक्रम गर्ने लक्ष्य लिएको छ ।
