काठमाडौं । तान्जानीया पठाईदिन्छु भन्दै रकम ठगी गर्ने व्यक्ति पक्राउ परेका छन् । दैलेख जिल्ला नारायण नगरपालिका वडा नं. ७ स्थाई घर भई हाल काठमाडौं महानगरपालिका वडा नं. १५ स्वयम्भु बस्ने ४२ वर्षीय गणेश बहादुर सिंह पक्राउ परेका हुन् ।

उनले बुद्धिराम पुन मगरलाई वैदेशिक रोजगारीका लागि तान्जानीया पठाईदिन्छु, आकर्षक तलब हुन्छ भनी विश्वास दिलाई प्रलोभनमा पारेर रकम ठगी गरेका थिए । उनलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले असोज २ गते सितापाइला चोकबाट पक्राउ गरेको हो ।

पक्राउ परेका सिंहलाई थप अनुसन्धान तथा कारवाहीका लागि वैदेशिक रोजगार विभाग, ताहाचल काठमाडौं पठाईएको प्रहरीले जनाएको छ ।