काठमाडौँ । गरिमा विकास बैंकले आश्विन ११ गतेदेखी ग्राहकहरुलाई विदेशबाट पनि मोबाईल बैंकिङ सुचारु गर्न मिल्ने अफर ल्याएको छ । बैंकले विदेशमा रहेका आफ्ना ग्राहकहरुका लागि नेपालमा रहेको आफ्नो बैंक खाताको कारोबार विवरण हेर्न एवं स-साना कारोबार गर्न सहज हुनेगरी मोबाईल बैंकिङ अफर सुरु गरेको हो ।
बैंकले विदेशमा रहेका ग्राहकहरुको पहुँच हुनेगरी मोबाईल बैंकिङ सेवालाई स्तरोन्नती गरेको हो । साथै, विदेशमा रहेर बैंकमार्फत मोबाईल बैंकिङ सेवा लिन चाहने ग्राहकहरुले बैंकले तोके बमोजिमका कागजातहरु पुरा गरि मोबाईल बैंकिङ सेवा लिन सक्नेछन् ।
त्यस्तै, मोबाईल बैंकिङ सुविधा लिन चाहने ग्राहकहरुले गरिमा डिजि बटुवाकै युजरनेम र पासवर्ड प्रयोग गरी गरिमा विकास बैंकको वेब बैंकिङ पनि सजिलै चलाउन सक्नेछन् । साथै, बैंकले फोन गरेर वा अरु माध्यमबाट आफ्ना ग्राहकहरुको बैंकिङ विवरणहरु पिन, पासवर्ड, ओटिपि आदि माग्दैन तसर्थ फोनकल वा मेसेजको भरमा आफ्नो व्यक्तिगत बैंकिङ विवरण अरुलाई सेयर नगर्न अनुरोधसमेत गरेको छन् ।
